Ֆրանչիսկոս Քահանայապետին 2016-ի՝ Սուրբ Շաբթուայ արարողութիւններու ժամանակացոյցը

(Ռատիօ Վատիկան) Յառաջիկայ օրերուն տիեզեարկան եկեղցին կը տօնխամբէ Սուրբ Զատիկը, Յիսուսի Հրաշախառ Յարութեան տօնը։ Սողն տօնակատարութեան արարողութիւնները սկիզբ կ՛առնեն Կիրակի` 20 Մարտ 2016-ին, Ծաղկազարդի Տօնով։

Ֆրանչիսկոս Սրբազան Քահանայապետը առաւօտեան ժամը 9.30ին, Սուրբ Պետրոս հրապարակին վրայ, պիտի օրհնէ արմաւենիի ու ձիթենիի ճիւղերը, եւ յաւարտ  ծիսական թափօրին  պիտի մատուցանէ Յիսուսի չարչարանաց Սուրբ Պատարագի զոհը։ Յայտնենք թէ նոյն օրը կը նշուի նաեւ` Երիտասարդներու համաշխարհային 31-րդ օրը, որուն այս տարուայ բնաբանն է ` ''Երանի ողորմածներուն, որովհետեւ անոնք ողորմութիւն պիտի գտնեն՝՝ (Մատթ. 5,7)
Հինգշաբթի  24 մարտ 2016-ին, Աւագ Հինգշաբթի է։ Ֆրանչիսկոս Պապը առաւօտեան ժամը 9.30ին Սուրբ Պետրոսի տաճարին մէջ կը գլխաւորէ Սուրբ Պատարագը կատարելով Սուրբ Իւղերու օրհնութիւնը։

Ուրբաթ 24 մարտ 2016-ին՝ Աւագ Ուրբաթ է. Օրը նուիրուած է Աստուածային Վարդապետի չարչարանքներու յիշատակութեան։ Յետ միջօրէի ժամը 5.00ին, Սրբազան Քահանայապետը, Սուրբ Պետրոս Տաճարին մէջ կը գլխաւորէ Տիրոջ Չարչարանաց արարողութիւնը, խաչի պաշտամունքն ու հաղորդութեան ծիսակատարութիւնը։ Իսկ երեկոյեան ժամը 9.15ին, Հռոմի երկհազարամեայ ''Քոլլոսէում''ի աշխարհածանօթ ամփիթատրոնին մէջ, Սրբազան Հայրը կը գլխաւորէ Ճանապարհ Խաչիի բարեպաշտական աղօթքի արարողութիւնը որուն աւարտին իր առաքելական օրհնութիւնը կը շնորհէ ներկայ բոլոր հաւատացեալներուն։  

Շաբաթ 26 մարտ 2016-ին, Աւագ Շաբաթ է.  Երեկոյեան ժամը 8,30ին, Սուրբ Պետրոս տաճարին մէջ  նախատեսուած է  Սուրբ Գիշերուայ Զատկական հսկումը՝ Ֆրանչիսկոս Քահանայապետի գլխաւորութեամբ,  իսկ մարտ 27-ին,  Զատիկ է` մեր Տիրոջ Յիսուս Քրիստոսի հրաշաբար Յարութեան յիշատակի օրը։ Առաւօտեան ժամը 10.00ին Ֆրանչիսկոս Պապը,   Սուրբ Պետրոսի հրապարակին վրայ կը գլխաւորէ սուրբ պատարագի արարողութիւնը որուն աւարտին  Սուրբ Պետրոսի կեդրոնական պատշգամէն, համայն աշխարհին կ՛ ուղղէ ''Urbi et Orbi – Հռոմ քաղաքին ու համայն աշխարհին'' ուղղուած աւանդական առաքելական օրհնութիւնը։