Երեւանը տարածաշրջանին մէջ առաջատար է աշխարհի ամենայարմարաւէտ քաղաքներու ցանկին մէջ

Միջազգային խորհրդատուական Mercer ընկերութիւնը Երեւանը ներառած է կեանքի որակով աշխարհի ամենայարմարաւէտ քաղաքներու ցանկին մէջ: Ինչպէս կը հաղորդէ «Արմենփրես»-­ը, 230 քաղաքներու շարքին Երեւանը գրաւած է 182­-րդ տեղը:

Աղիւսակի առաջատարները են Վիեննան (Աւստրիա), Զիւրիխը (Զուիցերիա), Օքլենտը (Նոր Զելանտա), Միւնիխը (Գերմանիա), Վանքուվըրը (Գանատա), Տիւսելտորֆը (Գերմանիա), Ֆրանկֆուրթը (Գերմանիա), Ժնեւը (Զուիցերիա), Քոփենհակընը (Դանիա) եւ Սիտէնէյը (Աւստրալիա): Հարեւան Վրաստանի մայրաքաղաք Թիֆլիսը 188-­րդն է, Պաքուն` 197-­րդ, Թեհրանը` 203-­րդ: Թուրքիոյ մայրաքաղաք Անգարան ցուցակի մէջ չէ ներառուած, իսկ Սթամպուլը 122-­րդն է:

Ռուսիոյ մայրաքաղաք Մոսկուան 167-­րդն է, իսկ ԱՄՆ մայրաքաղաք Ուաշինկթընը` 51-­րդը: 230-­րդը Իրաքի մայրաքաղաք Պաղտատն է:

Արդէն 18 տարի Mercer-­ը նման վարկանիշային աղիւսակներ կը կազմէ` իբրեւ չափանիշ ընտրելով առողջապահութիւնը, կրթութիւնը, յանցագործութեան մակարդակը, քաղաքական կայունութիւնը, փոխադրմիջոցները, բնութիւնը եւ այլն:

Քաղուած Եռագոյնէն