Ֆրանչիսկոս Պապ հանգրուան կը կատարէ Մեքսիքոյի Մորելիա քաղաք։ Մորելիա քաղաքն ու թեմը։
(Ռատիօ Վատիկան) Մորելիա քաղաքը կը գտնուի Մեքսիքոյի կեդրոնական տարածաշրջանին մէջ՝ 1921 մեթր ծովու մակերեսէն բարձրութեան վրայ։ Անոր բնակչութեան թիւն է 600.000։
Մորելիա քաղաքը
Մեքսիքոյի Միչուաքան նահանգի մայրաքաղաք համարուող Մորելիա քաղաքը հիմնուած է 1541-ին, եւ կրէ անունը Մեքսիքոյի անկախութեան ի սպաս զոհուած Խօսէ Մարիա Մորելոս Ի Փաւոն հերոսի անունը։
Քաղաքը գտնուած է Սպանական տիրապետութեան տակ, որուն ազդեցութիւնը մինչեւ այժմ մեծապէս զգալի է քաղաքին մէջ կառուցուած կարմիր կամարներով շինուած բնակարաններով։ Ան մաս կը կազմէ ՈՒՆԵՍՔՕ-յի մարդկութեան ժառանգութեան։
Մորելիա քաղաքին մէջ հռչակաւոր եւ միջազգային համբաւ ունի ՝ 1551-ին որպէս վարժարան հիմնուած՝ Սուրբ Միքոլաս Տէ Հիտալկօ անուան վարժարանը, որուն աշխարկերտութեան թիւը այժմ կը հաշուէ 45 հազար։
Մորելիա քաղաքի եկեղեցական թեմը։
Թեմը հիմնուած է 1536-ին, եւ մետրոպոլիտի հանգամանք ստացած է 26 յունուար 1863-ին։ Թեմի կաթողիկէ հաւատացեալներուն թիւն է 2.483.891, ունի 237 ժողովրդապետութիւններ, 2016 եկեղեցիներ կամ միսիոնարական կեդրոններ, 437 թեմական քահանաներ, 306 կրօնաւորներ, 1001 կրօնաւորուհիներ, 110 քահանայական ծառայութեան պատրաստուող ժառանգաւորներ։ Թեմիը կը գործէ իր 134 դաստիարակչական կեդրոններով ու 147 բարեսիրական հաստատութիւններով
Թեմի արքեպիսկոպոսն է Կարդինալ Ալպերթօ Սուարեզ Ինտա։ Ան քահանայ ձեռնադրուած է 8 օգոստոս 1964-ին, ՝ ապա եպիսկոպոս օծուած է 20 դեկտեմբեր 1985-ին
| All the contents on this site are copyrighted ©. |