Ֆրանչիսկոս Պապին 15 Փետրուարի յայտագիրը Մեքսիքոյի մէջ։

(Ռատիօ Վատիկան) Երկուշաբթի 15 Փետրուարին, Ֆարնչիսկոս Պապ Մեքսիքօ կեցութեան չորրորդ օրը առաւօտեան կանուխ ժամը 7-ին (Հռոմի ժամով 14-ին), օդանաւով կը տեղափոխուի  ''Թուքսթլա Կութիերես'' որ Չափաս նահանգի մայրաքաղաքն է։  Նորին Սրբութիւնը ապա ''Թուքսթլա Կութիերեսէն'' ինքնաթիռով կը փոխադրուի` 1528-ին հիմնուած ''Սան Քրիսթոպալ Տէ Լաս Քազաս'' քաղաք, ուր նախատեսուած է Չափասի բնիկ հասարակութեան հետ հանդիպում եւ պատարագ` տեղական ժամով առաւօտեան 10,15-ին (Հռոմի ժամով 17,15-ին)։

Սուրբ պատարագի արարողութեան աւարտին Սրբազան Քահանայապետը եւ իրեն ընկերացող պատուիրակութիւնը,''Սան Քրիսթոպալ Տէ Լաս Քազաս''-ի առաջնորդարանին մէջ  կէսօրուայ ճաշը կը բաժնեկիցն բնիկ հասարակութեան ներկայացուցիչներուն հետ եւ ճաշի աւարտին տեղական ժամով 15-ին (Հռոմի ժամով 22-ին)  Ֆրանչիսկոս Պապ կ՛այցելէ Սան Քրիսթոպալ Տէ Լաս Քազասի աթոռանիստ Եկեղեցին հանդիպում ունենալով այնտեղ համախմբուած տարեցներու եւ հիւանդներու հետ ու մեծարելով Աթոռանիստ Եկեղեցւոյ մէջ պահպանուած  Աստուածամօր սրբապատկերը։

Սան Քրիսթոպալ Տէ Լաս Քազասի աթոռանիստ Եկեղեցին այցելելէ ետք Ֆրանչիսկոս Պապ ինքնաթիռով կը վերադառնայ ''Թուքսթլա Կութիերես'' ուր յետմիջօրէի 4,15-ին (Հռոմի ժամով 23,15-ին) նախատեսուած է Մեքսիքայի  ընտանիքներուն հետ հանդիպումը, ''Թուքսթլա Կութիերես''ի մարզադաշտին մէջ։

''Թուքսթլա Կութիերես'' ժամանումին Ֆրանչիսկոս Պապը կը դիմաւորուի տեղական արքեպիսկոպոսի եւ պատկան իշխանութիւններու կողմէ ապա Չափասի նահանգի կառավարիչը Ֆրանչիսկոս Պապին կը յանձնէ քաղաքի բանալիները հուսկ Նորին Սրբութիւնը Քահանայապետական բացօթեայ ինքնաշարժով մարզադաշտի շրջանը կը կատարէ ողջունելով այնտեղ համախմբուած հազարաւոր հաւատացեալները։

Ընտանիքներուն հետ հաւաքը սկիզբ կ՛առնէ ''Թուքսթլա Կութիերես''ի Արքեպիսկոպոսի արտասանած բարի գալուստի խօսքով որուն կը յաջորդեն չորս ընտանիքներու վկայութիւնները ապա սուրբ գիրքէն ընթերցումներ որոնց աւարտին իր սրտի խօսքը կ՛ուղղէ նաեւ Ֆրանչիսկոս  Սրբազան Քահանայապետը, հուսկ  տեղի կ՛ունենայ Ամուսնութեան խոստումի նորոգումի աղօթքը որուն կը յաջորդեն այլ աղօթքներ եւ Հայր Մերը ու Ֆրանչիսկոս Պապին առաքելական օրհնութիւնը։

Ընտանիքներուն հետ ունեցած Հանդիպումի աւարտին Ֆրանչիսկոս Քահանայապետը տեղական ժամով  18-ին (Հռոմի ժամով 16 փետրուարի 1-ին) հրաժեշտ առնելով  ''Թուքսթլա Կութիերես''ի օդակայանէն կը վերադառնայ Մեխիքօ ուր կը ժամանէ տեղական ժամով 20-ին (Հռոմի ժամով 16 փետրուարի առաւօտեան 3-ին) եւ անմիջապէս կ՛ուղղուի Մեխիքոյի պապական նուիրակութիւն վերջ տալով Մեքսիոյի ճամբորդութեան չորրորդ օրուայ յայտագիրին։