Tuxtla Gutiérrez kryeqyteti i Shtetit të Chiapas

Emri i qytetit me 600 mijë banorë, vjen nga “tuchtlan”, që në gjuhën nàhuatl do të thotë “aty ku lënë lepujt”, si edhe nga “Gutiérrez”, që është mbiemri i Joaquìn Miguel Gutiérrez, hero kombëtar i ‘800-ës. Është kryeqytet i Shtetit të Chiapas e zakonisht quhet Tuxtla. Ka një ritëm zhvillimi ndër më të lartët e Meksikës e kështu, tërheq emigrantët, edhe klandestinët nga Guatemala e nga vende të tjera të Amerikës Latine. Në ndryshim nga zona të tjera të Chiapas, qyteti nuk është turistik, por vend ku turistët shkojnë e vijnë, për shkak të aeroportit e stacionit të madh të autobusave në “Carretera Panamericana”, një rrugë që përvijon bregdetin e Paqësorit në kontinent.

Katedralja i kushtohet shën Markut, Pajtor i qytetit, dhe është ndërtuar fillimisht nga misionarët dominikanë, në vitin 1560. Këmbanorja e saj katrore ka 48 këmbana e një carillon, që bie në të gjitha orët, ndërsa para syve të shikuesit kalojnë 12 shtatoret e apostujve të Krishtit.

Shteti i Chiapas ka rreth 5 milion banorë në një sipërfaqe prej 73.289 km katrorë. Më jugori i Meksikës, edhe sot, pavarësisht nga burimet e mëdha natyrore, mbetet ndër më të pazhvilluarit. Mosha mesatare është 60 vjeç për burrat e 50 për gratë. 36% e popullsisë flet vetëm gjuhën indigjene. Në të kaluarën, shtypja e popullsisë indigjene shkaktoi rebelimin e vitit 1868. Chiapas është kështjellë e lëvizjes zapatiste, grup militant i së majtës revolucionare, që e merr emrin nga Emiljano Zapata, njeri i reformës agrare e komandant indipendentist gjatë revolucionit meksikan. Lëvizja e armatosur rizgjohet në vitin 1983 e kërkon njohjen e kulturës indigjene, respektin e të drejtave të indigjenëve dhe kontrollin mbi burimet e tyre lokale, sidomos tokën. Braktis luftën e armatosur në favor të saj politike, në vizitn 1994. Baza popullore e Lëvizjes përbëhet nga banorët e fshatrave dhe indiosit Maya.

Kryedioqeza e Tuxtla Gutiérrez ka 1.675.755 banorë, ndër të cilët 68% katolikë të shpërndarë në 69 famulli, 5 kisha apo stacione misionare. Aty shërbejnë 128 meshtarë dioqezanë, 24 meshtarë rregulltarë, 80 rregulltarë, 318 rregulltare, 116 seminaristë. Kryeipeshkvi është imzot Fabio Martìnez Castilla.