Sot më 4 shkurt, kalendari kujton Shën Gilbertin, meshtar. Shën Gilberti i Sempinghamit,
meshtar, lindi në Angli më 1803. Me miratimin e Papa Eugjenit III më 1148 e konfirmuar
pastaj nga Papa Adriani IV e Aleksandri III, themeloi urdhrin murgar të Gilbertinve.
Murgjve Gilbertinë ua imponoi rregulloren e një disipline të dyfishtë të jetës murgarë:
rregulloren e Shën Benediktit, ndërsa kjerikëve atë të Shën Agostinit.
Këta murgjër njihen ndryshe edhe si fretërit e bardhë, sepse vishen me zhguna lirit
të bardhë e me lëkurë qengjash të së njëjtës ngjyrë.
Gilberti qe epror i përgjithshëm i Urdhrit, i vetmi urdhër rregulltar i themeluar
nga një anglez. Vijoi t’i drejtonte bijtë e tij shpirtëror rregulltarë derisa u verbua.
Vdiq në moshë të shtyrë më 4 shkurt 1189, mase njëqind vjeç, duke lënë pas shembullin
dhe kujtimin e njeriut të shenjtë, që ua dhuroi të gjithë jetën të varfërve.
All the contents on this site are copyrighted ©. |