(Ռատիօ Վատիկան) ''Անձինք նուիրեալք – կրօնաւորական կեանքի '' տարւոյն աւարտին, Սուրբ Pio da Pietrelcina-ի եւ Սուրբ Լէփոլտօ Մանտիչի անաղարտ մարմինները պիտի փոխադրուին Հռոմ` ապա Վատիկան։
Արդարեւ երկու վերոնշեալ սուրբերու անաղարտ մարմինները, Ողորմութեան Յոբելինական տարւոյն առթիւ, Հռոմ կը ժամանեն չորեքշաբթի 3 փետրուար 2016-ի յետմիջօրէին, ուր նախ կը զետեղուին Վերանաօ գերեզմանատան ''Սան Լորենցօ'' անուան պազիլիքայի մէջ, ուր երեկոյեան` նախատեսուած է Սուրբ պատարագի արարողութիւն եւ երեկոյեան հսկում ։
5 Փետրուարի յետմիջօրէին, երկու սուրբերու մարմինները ս. Պետրոսի պազիլիքա պիտի փոխադրուին։
6 Փետրուարին, առաւօտեան ժամը 10-ին , ս. Պետրոս հրապարակին վրայ ֆրանչիսկոս Պապ յատուկ ունկնդրութիւն պիտի շնորհէ ''Padre Pio''ի աղօթքի յարող խումբին, Սուրբին կառուցած հիւանդանոցի (տառապանքի ամոքող տան) պատասխանատուներուն եւ Մանֆրետոնիա թեմին հաւատացեալներուն։
9 Փետրուարի առաւօտեան, ֆրանչիսկոս Պապը համապատարագ պիտի մատուցէ աշխարհի կրցեր ֆրանչիսքեան կրօնաւորներուն հետ, իսկ 11 Փետրուարին երկու սուրբերու մասունքները վերադարձ պիտի կատարեն դէպի իրենց սրբավայրերը։
Ֆրանչիսկոս Քահանայապետին` 6 փետրուարին նախագահած ունկնդրութեան կը սպասուին Padre Pio-ի աղօթքի եղբայրակցութիւններու անդամ` աւելի քան 50 հազար անձինք։
All the contents on this site are copyrighted ©. |