«Ռոյթըրզ» լրատու գործակալութիւնը կը հաղորդէ, որ Միացեալ Նահանգներու մէջ որոշում տրուած է ջնջելու Քուպայի դէմ հաստատուած շարք մը տնտեսական սահմանափակումներ: Լրատու գործակալութիւնը կը յայտնէ, որ անոնք կը վերաբերին դէպի Քուպա արտածումին եւ վերարտածումին:
Համապատասխան յայտարարութիւնը հրապարակած են Միացեալ Նահանգներու ելեւմուտքի եւ առեւտուրի նախարարութիւնները:
Դեկտեմբեր 2015-ի կիսուն, Միացեալ Նահանգներու նախագահ Պարաք Օպամա երկրի քոնկրեսին դարձեալ կոչ ուղղած էր ջնջելու Քուպայի դէմ առեւտրական արգելքը, որ կը գործէր աւելի քան յիսուն տարիէ ի վեր:
Սպիտակ տունը երէկ հաղորդեց, որ Օպամա ստորագրած է Իրանի դէմ պատժամիջոցները ջնջող հրամանագիր մը:
All the contents on this site are copyrighted ©. |