Ռայի Պապտրիարք ՝՝Լիբանանի բնակչութեան կէսը բաղկացած է սուրիացի գաղթականներէ՝՝
Մարոնի համայնքի Պշարա Ռայի պատրիարքը կիրակի, 18 յունուարին, Հարիսայի մէջ նախագահեց կիրակի օրուան պատարագին, որուն ընթացքին արտասանեց քարոզ մը` կոչ ուղղելով անյապաղ նախագահական ընտրութիւն կատարել:
Ռայի պատրիարքը շեշտեց, որ Լիբանան չի կրնար հանդուրժել այն իրականութիւնը, թէ երկրին բնակչութեան կէսը բաղկացած է սուրիացի գաղթականներէ:
Ան աւելցուց նաեւ, որ անկարելի է ընդունիլ, որ այդ գաղթականները լիբանանցիներուն տնտեսական եւ քաղաքական շահերուն հաշուոյն մնան Լիբանանի մէջ:
Ռայի պատրիարքը խստիւ քննադատեց երկրին քաղաքական վերնախաւին քանդիչ գործունէութիւնը, ինչպէս նաեւ արձանագրուած սահմանադրական խախտումները, որոնք արտագաղթի դռները լայն կերպով բացած են:
| All the contents on this site are copyrighted ©. |