ԱՄՆի եպիսկոպոսները մէկ միլիոն տոլար տրամադրած են Ափրիկէի Եկեղեցւոյ։

(Ռատիօ Վատիկան) Ամերիկայի Միացեալ Նահանգներու եպիսկոպոսները մէկ միլիոն տոլար տրամադրած են Ափրիկէի Եկեղեցւոյ։ Այդ գումարով անոնք կը նպատակադրեն  Ափրիկէի 18 երկիրներու մէջ հովուական ծրագիրներ իրագործել։

Նշենք որ 1980-էն այսօր Ափրիկէի կաթողիկէներու թիւը եռապատկուեցաւ հասնելով աւելի քան 200 միլիոն հաւատացեալի։

''Կաթողիկէ եկեղեցւոյ թիւին աճումը Ափրիկէի մէջ իսկական շնորհք մըն է համային Եկեղեցւոյ'' ըսաւ Ուաշինկթընի առաջնորդը։