Ֆրանչիսկոս Պապին Ընկերային հաղորդամիջոցներու համաշխարհային օրուայ պատգամը։

(Ռատիօ Վատիկան) ''Հաղորդակցութիւն եւ Ողորմութիւն. Պտղաբեր հանդիպում'' այս է 2016 տարուայ ընկերային հաղորդամիջոցներու համաշխարհային 50-րդ օրուայ առթիւ Ֆրանչիսկոս Սրբազան Քահանայապետին հրատարակած պատգամին բնաբանը որուն ներկայացումը տեղի պիտի ունենայ յառաջիկայ ուրբաթ` 22 յունուար 2016-ի կէսօրին, Սուրբ Աթոռի մամլոյ գրասենեակի Յովհաննէս Պօղոս Բ անուան սրահին մէջ, եւ որուն ընթացքին ելոյթ պիտի ունենան Սուրբ Աթոռի մամլոյ գրասենեակի տնօրէն` Հայր Ֆետերիքօ Լոմպարտի, Հաղորդակցութեան Քարտուղարութեան Կառավարիչ գերապայծառ Տարիօ Էտուարտօ Վիկանօ, TV2000 իտալացի եպիսկոպոսներու համահաւաք դասի հեռուստակայանի տնօրէն` Տիար Փաոլօ Ռուֆֆինի եւ Սանդ Անսելմօ Քահանայապետական ակադեմիայի դասատու` ՓրոՖ Մարինելլա Փերրոնի։

Պատգամը պիտի հրատարակուի 7 լեզուներով Իտալերէն, Ֆրանսերէն, Գերմաներէն, Սպաներէն, Փորթուկալերէն եւ Լեհերէն։

Նոյն օրը` Ֆրանչիսկոս Պապին պատգամի հրապարակումի առթիւ եւ Ընկերային հաղորդամիջոցներու ասպարազէն ներս գործիչներու պաշտպան սուրբ` Սուրբ Ֆրանչիսկոս Սալէսի մօտալուտ տօնին առթիւ, Գերապայծառ Քլաուտիօ Մարիա Չելլի, Սանթա Մարիա Ին Թրասփոնթինա Եկեղեցւոյ մէջ կը գլխաւորէ սուրբ պատարագի արարողութիւնը որուն իրենց մասնակցութիւնը կը բերեն լրատուական աշխարհի գործիչները։