(Ռատիօ Վատիկան) Յառաջիկայ 25-31 Յունուար 2016, Ֆիլիփինեան Սեպու քաղաքին մէջ տեղի պիտի ունենայ Ամենասուրբ Հաղորդութեան 51-րդ գիտաժողովը, որուն նախապատրաստական աշխատանքները արդէն աւարտած են յայտարարած է քաղաքի թեմին առաջնորդը գերապայծառ Խօսէ Փալմա։
Գիտաժողովին կը նախատեսուի մասնակցութիւնը աւելի քան 10 հազար հոգիներու եւ 8500 պատուիրակներու եկած 71 երկիրներէն։
Գիտաժողովին նիւթն է ''Քրիստոս ձեր մէջ փառքի յոյս'' քաղուած Պօղոս առաքեալի Կողոսացիներուն ուղղուած թուղթէն։
Այս երկրորդ անգամն է որ ֆիլիփինեան եկեղեցին կը հիւրընկալէ ամենասուրբ Հաղորդութեան գիտաժողովը։ Առաջին անգամ գիտաժողովը տեղի ունեցաւ Մանիլայի մէջ 1937-ին, Պիոս ԺԱ Պապին օրով։
''Գիտաժողովը բնականաբար կը կատարուի Ողորմութեան Յոբելեանի ոգիով ու անոր ծիրէն ներս եւ կաթողիկէ հասարակութեան համար պիտի հանդիսանայ բարենորոգումի աղբիւր'' յայտարարած է գերապայծառ Փալմա։
Յանուն ֆրանչիսկոս Պապին գիտաժողովը պիտի գլխաւորէ կարդինալ` Charles Maung Bo առաջնորդը Պիրմանիայի Եանկոն թեմին։
Գիտաժողովին իրենց միջամտութիւնը պիտի բերեն. կարդինալ Թիմոթի Տոլան` Նիւ Եորք թեմին առաջնորդը, Գերապայծառ Ռոպերթ Պարրոն`Լոս Անճելըսի օգնական եպիսկոպոսը, նիճերիացի կարդինալ Ճոն Օնայէքաեն եւ Հնդկաստանի Փոմփէյ թեմի առաջնորդ`կարդինալ Օսվալտ Կրասիաս։
All the contents on this site are copyrighted ©. |