Եազիժի Եւ Իպրահիմ եպիսկոպոսներուն առեւանգման թղթածրարը տակաւին օրակարգի վրայ է
«Եազիժի եւ Իպրահիմ եպիսկոպոսներուն առեւանգման թղթածրարը տակաւին օրակարգի վրայ է», հաստատեց Ընդհանուր ապահովութեան ընդհանուր տնօրէն հազարապետ-զօրավար Ապպաս Իպրահիմ, չորեքշաբթի, 15 դեկտեմբերին, մարոնիներու Ռայի պատրիարքին տուած իր շնորհաւորական այցելութեան առիթով:
Շրջանի ու երկրի ընդհանուր իրավիճակին քննարկման վերաբերող խորհրդակցութեանց կողքին Ռայի պատրիարքը դրուատեց Ընդհանուր ապահովութեան ընդհանուր տնօրէնութեան ճիգերը, յատկապէս երկրի ապահովութեան ամրապնդման գծով: Ռայի պատրիարքը մաղթեց, որ ճիգերը շարունակուին յատկապէս տակաւին ՏԱՀԵՇ-ի մօտ արգելափակեալ զինուորականներուն եւ Եազիժի ու Իպրահիմ եպիսկոպոսներուն ազատ արձակման գծով:
| All the contents on this site are copyrighted ©. |