Իսլամական պետութիւն»-ը Սուրիոյ մէջ 4 Հայկական եկեղեցի ոչնչացուցած Է

«Հորիզոն» շաբաթաթերթը կը գրէ, որ Ասորական միջազգային լուրերու գործակալութիւնը հրապարակած է Սուրիոյ մէջ «Իսլամական պետութեան» ահաբեկչական խմբաւորման եւ այլ մահմետական խմբաւորումներու կողմէ ոչնչացուած քրիստոնէական եկեղեցիներուն ցանկը:

Ըստ շաբաթաթերթին` ահաբեկիչները ոչնչացուցած է նաեւ 4 հայկական եկեղեցի:

Ապրիլ 28-ին ԻՊ-ն ռմբակոծած է Հալէպի հայկական եկեղեցին,

2014 թուականի Սեպտեմբերին ԻՊ-ի կողմէ ոչնչացուած է Տէր Զօրի Հայոց ցեղասպանութեան յիշատակի եկեղեցին,

Ռաքքայի հայկական կաթողիկէ Նահատակաց եկեղեցին այրուած է «Իսլամական պետութիւն» ահաբեկչական խմբաւորման կողմէ, իսկ խաչը հեռացուած է ժամատան գագաթէն:

Խմբաւորումը այրած է նաեւ Թալ Ապեատի հայկական Սուրբ Խաչ եկեղեցին:

Յիշեցնենք, որ 2014-ին զինեալ խմբաւորումներու կողմէ Քեսապի գրաւումի ընթացքին իսլամական խմբաւորումները այրած եւ կողոպտած են Քեսապի հայկական եկեղեցիները: