(Ռատիօ Վատիկան) Նախքան յոբելենական տարին̦ սկսիլը, աւանդութեան համաձայն, Հռոմի չորս պազիլիքաներու աւագերէցները սկիզբ կու տան Սուրբ Տարւոյն ''ճանաչումի''̦ արարողութեան որուն ընթացքին փլուզումը կը կատարուի այն պատին որ ներսէն կը ծածկէ ս· Դուռը և կը ստուգուի պատին մէջ զտեղուած մետաղէ տուփին բովանդակութիւնը, որ կը վերաբերի նախորդ Յոբելեանին։
Այս առընչութեամբ անցեալ Երկուշաբթի` 16 Նոյեմբերին տեղի ունեցաւ ս· Յովհաննէս Լատերանեան Պազիլիքայի ս· Դռան ճանաչումը` նախագահութեամբ Հռոմի Թեմի տեղապահ Արքեպիսկոպոս` կարդինալ Ակոսթինօ Վալլինիի։ Յուշաքարը վերցուեցաւ ու ձեռք բերուեցաւ մետաղէ տուփը որ կը ներփակէր յոբելեանի փակումի բանաձեւը ու ս· Դրան բանալին ինչպէս նաեւ Ս· Յովհաննէս Պօղոս Բ քահանայապետի զինանիշը կրող աւելի քան 41 մետալներ։
Իսկ Երեքշաբթի 17 Նոյեմբեր 2015-ին նոյն եւ նման արարողութիւնը կատարուեցաւ Ս· Պետրոս Պազիլիքայի մէջ Պազիլիքայի աւագերեց` կարդինալ Անճելօ Քոմասթրիիˋ նախագահութեամբ որ յատուկ աղօթք մը կատարելէ ետք, հրահանգեց վար առնել ներքին պատը եւ դուրս բերուեցաւ 2000-ի Յոբելեանին մետաղէ տուփը որուն մէջ ներփակուած էր` բացի մագաղաթի վրայ նշանակուած 2000 Յոբելեանին փակումի բանաձեւը, դռան բանալին ու բռնելիքները, մետալներ և աղիւսներ։ Արարողութեան ներկայ էին քահանայապետական արարողապետ Գերապայծառ Մարինի եւ նոր աւետարանութեան քահանայապետական խորհուրդի նախագահ` գերապայծառ Ռինօ ֆիզիքելլաˋ։ Նոյն արարողութիւնը կատարուեցաւ նաեւ Մարիա Մաճճորէ` Տիարմօր նուիրուած աւագ պազիլիքայի մէջ նախագահութեամբ աւագերէց կարդինալ Քասթելլոյի, Հինգշաբթի 19 Նոյեմբերին եւ Երկուշաբթի 23 Նոյեմբերին, Հռոմի պարիսպներէն դուրս գտնուող Ս· Պօղոս Պազիլիքայի մէջ, նախագահութեամբ կարդինալ Հարվէյի ։
Նշենք որ քահանայապետական արարողապետ գերապայծառ Փիերօ Մարինիի պարտականութիւնը եղաւ ժողովել մետաղէ տուփերու մէջ գտնուած իրերը ու զանոնք յանձնել ֆրանչիսկոս Պապին։
All the contents on this site are copyrighted ©. |