(Ռատիօ Վատիկան) Ուրբաթ, 4 դեկտեմբերին, Սուրբ Աթոռը հաղորդագրութիւն մը հրապարակեց որուն մէջ կը տեղեկացնէ թէ՝ երեկ հինգշաբթի, 3 դեկտեմբերին, Ֆրանչիսկոս Սրբազան Քահանայապետ իր մասնակցութիւնը բերած է Վատիկանի տնտեսական խորհուրդին գումարած ժողովին։
Նորին Սրբութիւնը ժողովին մասնակցած է քաջալերելու եւ անձնապէս շնորհակալութիւն յայտնելու խորհուրդի անդամներուն, անոնց կատարած կարեւոր աշխատանքին համար որուն կոչուած են, Սուրբ Աթոռի տնտեսական եւ ֆինանսական կառոյցներու հսկողութեան ծիրէն ներս։
Ֆրանչիսկոս Պապ այցելութեան ընթացքին դարձեալ վերահաստատած է խորհուրդին կեդրոնական դերակատարութիւնը՝ Վատիլանի բարեփոխական աշխատանքերու ծիրէն ներս, որ Ինքը անձամբ մօտէն կը հետեւի։
Խորհուրդի աշխատանքներու համակարգիչ՝ կարդինալ Ռէնհարտ Մարքս, իր կարգին շնորհակալութիւն յայտնած է Սրբազան Հօր՝ ժողովի ներկայ գտնուելուն համար եւ վերահաստատելով իր յանձնառութիւնը Ֆրանիչկսո Պապի կողմէ խնդրուած տնտեսական բարեփոխական աշխատանքներու իրականացման համար։
All the contents on this site are copyrighted ©. |