Պէյրութի մէջ Ողորմութեան Սուրբ Տարուայ բացում

(Ռատիօ Վատիկան) Ֆրանչիսկոս Քահանայապետի կողմէ հռչակուած Ողորմութեան Սուրբ Տարուայ ծիրէն ներս, ընդառաջելով  Նորին Սրբութեան հրաւէրին , որ իւրաքանչիւր երկրի տեղական կաթողիկէ եկեղեցիներուն մէջ եւս ընթացք տրուի Ողորմութեան Սուրբ Տարուան,  բացումը կատարելով Սուրբ դուռերուն, ինչպէս  Ինք եւս ըրաւ անցեալ 29 նոյեմբեր 2015-ին  Կեդրոնական Ափրիկէի մայրաքաղաք Պանկիի աթոռանիստ եկեղեցւոյ Սուրբ Դրան բացումի արարողութեամբ, յառաջիկայ կիրակի 13 դեկտեմբերի առաւօտեան ժամը 11-ին, Պէյրութի Հայ Կաթողիկէ Սուրբ Գրիգոր Լուսաւորիչ-Սուրբ Եղիա Աթոռանիստ եկեղեցւոյ մէջ, հանդիսապետութեամբ Ամենապատիւ եւ Գերերջանիկ Տէր Գրիգոր Պետրոս Ի Տանն Կիլիկիոյ Կաթողիկէ Հայոց Կաթողիկոս Պատրիարքին, եւ մասնակցութեամբ Հայ Կաթողիկէ կղերին եւ հաւատացեաներուն, տեղի պիտի ունենայ Ողորմութեան Տարիին հանդիսաւոր բացումը յատուկ արարողութեամբ, որուն պիտի յաջորդէ հանդիսաւոր Սուրբ Պատարագը։