Հռոմի Քահանայապետերու այցելութիւնները Ափրիկեան ցամաքամաս։

(Ռատիօ Վատիկան) Ափրիկեան ցամաքամասի երկիրները պատմութեան հոլովոյթին առիթ ունեցած են իրենց հողին վրայ հիւրընկալելու Սուրբ Պետրոսի յաջորդները որոնց առաջինը հանդիսացած է Երանելի Պօղոս Զ քահանայապետը` որ 31 յուլիսէն 2 օգոստոս 1969 այցելեց Ուկանտան։

Երանելի Պօղոս Զ քահանայապետէն ետք Ափրիկեան Երկիրներ այցելեց Սուրբ Յովհաննէս Պօղոս Բ Քահանայապետը ութը անգամ`  2-12 մայիս 1980 (Զայիր, Քոնկօ, Քենիա, Կանա, Պուրքինա Ֆազօ եւ Փղոսկրեայ Ափունք) ապա` 08-19 օգոստոս 1985 (Թոկօ, Փղոսկրեայ Ափունք­, Քամերուն, Կեդրոնական Ափրիկէ, Զայիր, Քենիա եւ Մարոք). 10 – 19 սեպտեմբեր 1988 (Զիմպապուէ, Պոթսուանա, Լեզոթօ, Սվազիլանտ, Մոզամպիքօ),  28 ապրիլէն 06 մայիս 1989 (Մատակասկար, Լա Ռէունիօ, Զամպիա եւ Ուկնատա). 25 յունուարէն - 1 փետրուար 1990 (Քափօ Վերտէ, Կինէա Պիսսօ, Մալի, Պուրքինա Ֆազօ, Չատ). 1 – 10 սեպտեմբեր 1990 (Թանզանիա, Պուրունտի, Ռուանտա, Փղոսկրեայ Ափունք), 03 - 10 փետրուար  1993 (Պենին, Ուկանտա եւ Խարթում), 14 -20 սեպտեմբեր 1995  (Քամերուն, Հարաւային Ափրիկէի Հանրապետութիւն, Քենիա)։

Պենետիկտոս ԺԶ Քահանայապետը` 17 – 23 մարտ 2009` այցելեց Քամերունը եւ Անկոլան ապա 18-20 նոյեմբեր 2011` Պենինը։

25 -30 նոյեմբեր 2015 Ֆրանչիսկոս Պապ առաքելական անդրանիկ ճամբորդութիւնը կը կատարէ դէպի Ափրիկեան ցամաքամաս այցելելով երեք երկիրներ` Քենիան­, Ուկնատան եւ Կեդրոնական Ափրիկէն։