''Միջազգային ընտանիքը միացած ահաբեկչութեան դէմ'' Ըսաւ Գերապայծառ Կալլակըր

(Ռատիօ Վատիկան) ՄԱկ-ի մօտ Սուրբ Աթոռի մնայուն դէտ Գերապայծառ Փոլ Ռիչըրտ Կալլակըր, 19 նոյեմբեր 2015-ին,  ՄԱԿ-ի ընդհանուր նիստի ընթացքին  ելոյթ մը ունեցաւ, որուն մէջ մեկնաբանելով 13 նոյեմբերին, Փարիզի մէջ տեղի ունեցած ահաբեկչական գործունէութիւնները, յարեց՝՝ Միջազգային ընտանիքը պէտք է միանայ եւ զօրաշարժի մատնէ բոլոր ապահովական միջոցները, հակազդելու համար ահաբեկչութեան։

Կառավարութիւնը, իր ազգային սահմաններէն ներս ստիպուած է իր քաղաքացիներու պաշտպան կանգնիլ՝ ահաբեկչական յարձակումներէն եւ անոնց ներկայութնէն։

Իսկ արտասահամանի մէջ կատարած պատերազմական միջամտութիւնը պէտք է փնտռէ իր օրինականութիւնը՝ միջազգային ընտանիքին համաձայնութեամբ։

Իսլամական Պետութեան՝՝ հետ երկխօսութիւն կատարելը կարելի՞ է՜՜ հարցումին, գերապայծառ Կալլակըր պատասխանեց ըսելով ՝՝ինչպէ՜ս կարելի է երկխօսութիւն կատարել երբ կան ծայրայեղական դիրքեր։ ՝՝Այս պահուս՝՝ ըսաւ գերապայծառը ՝՝շատ դժուար կը նկատեմ երկխօսութիւն կատարելը, որովհետ երկխօսութեան համար պէտք է ուրիշին հետ յարաբերութեան մէջ մտնել, պէտք է զայն յարգել։

Իսկ Փարիզի մէջ ահաբեկչական գործողութիւններուն ի տես, Ֆրանչիկսոս Պապի կատարած արտայայտութեան մասին անդրադառնալով, Գերապայծառ Կալլակըր ըսաւ թէ Նորին Սրբութիւնը ՝՝մաս մաս կատարուած համաշխարհային պատերազմ՝՝ անուանեց իրավիճակը, նկարագրելու համար այս տարիներուն մարդկութեան ապրած ողբերգութիւնը։