(Ռատիօ Վատիկան) Շաբաթ, 14 նոյեմբերի առաւօտեան, Վատիկանի Քլեմենթինա սրահին մէջ, Ֆրանչիկսոս Պապ ունկնդրութիւն շնորհեց, Յիսուսեան Միաբանութեան գաղթականներու ի սպաս կազմակերպութեան անդամներուն, որոնք կը նշեն հաստատութեան հիմնարկութեան 35-րդ ամեակը։
Այս առթիւ անոնց ուղղած պատգամին Նորին Սրբութիւնը ակնարկելով Յիսուսեաններու՝ գաղթականներու ի սպաս կազմակերպութեան հիմնադիր՝ Հայր Փետրօ Արուփեյին, յարեց՝ թէ ան ականատես եղած է Վիէթնամի ժողովուրդի տառապանքին, եւ փորձարկելով Հիրոշիմայի աթոմական պայթումէն յառաչացած անթիւ գաղթականներուն հոսանքը, հիմնած է սոյն կազմակերպութիւնը որպէս մարտահրաւէր զոր Յիսուսեանները չէին կրնար անտեսել, հաւատարիմ մնալով իրենց կոչումին։
Ֆրանչիսկոս Պապ ապա ընդհանուր անդրադարձ կատարեց, ներկայիս աշխարհիս մէջ գաղթականներու թիւին աճումի երեւոյթին մասին, յայտնելով թէ ՄԱԿ-ի գաղթականներու գրասենեակի յանձնակատարի գնահատումով, աշխարհի մէջ գոյութիւն ունին աւելի քան 60 միլիոն գաղթականներ։ Ան ապա բարձր գնահատեց՝ Յիսուսեան Միաբանութեան 45 երկիրներուն մէջ գաղթականներուն ի սպաս ծառայութիւնը , ինչպէս նաեւ Յիսուսեաններու հաւատարմութիւնը, իրենց հիմնադրին՝ երեք բարձր գաղափարականներուն նկատմամբ` առաջնորդել, ծառայել եւ պաշտպանել գաղթականներուն իրաւունքները։
Ֆրանչիսկսոս Պապ բարձր արժեւորեց նաեւ՝ դաստիարակչական ծառայութեան մարզէն ներս գաղթականներուն մատուցուած Յիսուսեաններուն ծառայութիւնը։
''Մանուկներուն՝ դպրոցական գրասեղան մը ապահովելը անոնց շնորհուած ամենագեղեցիկ նուէրն է '' ըսաւ Ֆրանչիսկոս Պապ աւելցնելով թէ անոնք՝ դասարաններուն մէջ, իրենց ուսուցիչներուն հետ իրենք զիրենք ապահով կը զգան։
Ֆրանչիսկոս Պապ ապա ակնարկելով, Ողորմութեան Սուրբ Տարուան ծիրէն ներս, հաստատութեան ՝ 100,000-է աւելի գաղթական երիտասարդներուն, դպրոց յաճախելու օժանդակութեան ձեռնարկի մասին, շնորհակալութիւն յայտնեց այս ծրագրին աջակցողներուն եւ բարերարներուն։
Պատգամի աւարտին ֆրանչիսկոս Պապը քաջալերանքի խօսք ուղղեց ըսելով.
''մինչ՝ կը յարատեւէք, գաղթականներուն ի սպաս ՝ դաստիարակչական ծառայութեան մէջ, մտաբերեցէք Սուրբ Ընտանիքը՝ Տիրամայրը , Սուրբ Յովսէփն ու Մանուկ Յիսուսը , որոնք Եգիպտոս գաղթեցին եւ միշտ յիշեցէք Յիսուսի այս խօսքերը, Երանի ողորմածներուն, որովհետեւ ողորմութիւն պիտի գտնեն։ ( Մատթ 5,7).
All the contents on this site are copyrighted ©. |