Հռոմի մէջ աստուածաբանական-հովուական 18-րդ ազգային ժողովը։

(Ռատիօ Վատիկան) Նոյեմբեր 15-18 Հռոմի ''The Church Village Hotel''-ի մօտ տեղի կ՛ունենայ 18-րդ աստուածաբանական-հովուական ազգային ժողովը եւ ''Opera Romana'' ուխտագնացութիւն կազմակերպող մարմնի ազգային 12-րդ հանդիպումը,

Ժողովին բնաբան է. ''Ուխտագնացութիւն ու Ողորմութիւն, միաստուածեան երեք կրօններու մօտ''։

Ժողովին պիտի զեկուցեն կարդինալ Փարոլին` Ս. Աթոռի պետական քարտուղարը (16 Նոյեմբեր), կարդինալ Ժան Լուի Թոռան` նախագահը միջ կրօնական երկխօսութեան քահանայապետական  խորհուրդին (17 Նոյեմբեր)։

Վերոնշեալ ժողովին առընթեր ''The Church Village''-ին մէջ պիտի  ներկայացուի “Pane e Paradiso - Հացն ու Դրախտը'' թատերգութիւնը նուիրուած` ս. Ֆիլիփփօ Ների-ին ու անոր  Հռոմի մէջ ապրումներուն։

Իսկ Դեկտեմբեր ամիսէն սկսեալ վերոյիշեալ թատերգութիւնը պիտի ներկայացուի Հռոմի զանազան ժողովրդապետութիւններու մէջ մօտէն ճանչցնելու ս.  Ֆիլիփփօ Ների-ին հոգեւորութիւնը։