Катедралата во Струмица слави 90 годишен јубилеј

Во недела 15 ноември 2015 година со почеток во 10.30 часот Н.В.П. монс. д-р Киро Стојанов, Скопски бискуп и Апостолски егзарх во Македонија, во заедништво со Апостолскиот нунциј за Република Македонија, надбискупот Анселмо Гвидо Пекорари ќе служи света архиерејска Литургија во катедралната црква „Успение на Пресвета Богородица“ – Струмица по повод 90 годишниот јубилеј од постоењето на црквата.

Програмата за прославата на јубилејот започнува со духовна обнова од среда 11 ноември до петок 13 ноември, со почеток во 17.00 часот. Во сабота 14 ноември 2015 година после Вечерната богослужба која е со почеток во 17.00 часот следува академија. Светата архиерејска Литургија е во недела 15 ноември 2015 година со почеток во 10.30 часот.

к.мк