Առողջապահութեան քահանայապետական խորհուրդի 30-րդ միջազգային ժողովը։

(Ռատիօ Վատիկան) Առողջապահութեան քահանայապետական խորհուրդի  30-րդ միջազգային  ժողովը­­, տեղի պիտի ունենայ Վատիկան 19-21 նոյեմբեր Վատիկանի եպիսկոպոսական սիւնհոդոսի նոր սրահին մէջ։

Վատիկանի քահանայապետական առողջութեան նախագահը՝ գերապայծառ  Զիկմունթ Զիմովսքի  19-21 նոյեմբեր կը կազմակերպէ գիտաժողով մը վերակոչելու վերոյիշեալ խորհուրդին հաստատման 30-րդ տարեդարձը։ Գիտաժողովին նպատակն է. զատորոշել  ռազմավարութիւնները ու սահմանել կէտ նպատակներ լաւագոյնս ծառայելու ամէն անհատին, կարօտեալին ու տառապողին։

Հաւաքին նիւթն  է՝՝առողջապահութեան մշակոյթը մարդու ու բնութեան ի սպաս՝՝։

Ժողովին կը մասնակցին մասնագէտներ եկած աշխարհի չորս ծագերէն։ Նորին Սրբութիւնը ունկնդրութիւն պիտի շնորհէ ժողովի մասնակցողներուն ու վստահաբար անոնցմէ պիտի խնդրէ մեծ նուիրումով ծառայել մարդուն ու բնութեան։