റോം രൂപതയ്ക്കുവേണ്ടിയുള്ള നിയുക്ത സഹായമെത്രാനെ മാര്പ്പാപ്പാ തിങ്കളാഴ്ച (09/11/15) അഭിഷേകം ചെയ്യും.
റോം രൂപതയുടെ മെത്രാന്കൂടിയായ ഫ്രാന്സിസ് പാപ്പാ പ്രസ്തുതരൂപത യുടെ ഭദ്രാസനദേവാലയമായ വിശുദ്ധ ജോണ് ലാറ്ററന് ബസിലിക്കയില് വച്ച് അന്ന് വൈകുന്നേരം പ്രാദേശികസമയം 5 മണിക്കാരംഭിക്കുന്ന തിരുക്കര്മ്മ മദ്ധ്യേയായിരിക്കും നിയുക്ത സഹായമെത്രാന് ആഞ്ചെലൊ ദെ ദൊണാത്തിസിനെ വാഴിക്കുക.
ഇക്കഴിഞ്ഞ സെപ്റ്റമ്പര് 14 നാണ് അദ്ദേഹം റോമിന്റെ സഹായമെത്രാനായി നാമനിര്ദ്ദേശം ചെയ്യപ്പെട്ടത്.
ഇറ്റലിയിലെ കസറാനൊ എന്ന സ്ഥലത്ത് 1954 ല് ജനിച്ച നിയുക്ത സഹായമെത്രാന് ആഞ്ചെലൊ ദെ ദൊണാത്തിസ് 1980 ലാണ് പൗരോഹിത്യം സ്വീകരിച്ചത്.
All the contents on this site are copyrighted ©. |