''Նամակ Քաղաքին'' Հռոմի թեմի պատգամի ներկայացում։
(Ռատիօ Վատիկան) Յոբելինական արտակարգ Ողորմութեան Սուրբ Տարուայ առթիւ, Հռոմի թեմը պատրաստած է ''Նամակ քաղաքին'' վերտառութեամբ պատգամ մը, որուն ներկայացումը կը կատարուի, հինգշաբթի, 5 նոյեմբերի երեկոյեան Հռոմի Թեմի ՝՝Կարմիր՝՝ անուան դահլիճին մէջ ։
Մամլոյ ասուլիսին ելոյթ կ՝ունենան Հռոմի թեմի տեղակալ Արքեպիսկոպոս կարդինալ Ակոսթինօ Վալլինի եւ թեմական Քարիթասի տնօրէն՝ գերապայծառ Էնրիքօ Ֆերոչի։
Յայտնենք, թէ ''Նամակ քաղաքին'' պատգամի կեդրոնական նիւթն է նորատեսակ աղքատութիւնը, հիւրընկալութեան եւ ներմուծումի հայող հարցերը, նոր քաղաքական անձնաւորութիւններու կազմաւորումը։
''Նամակ քաղաքին'' պատգամը պիտի ներկայացուի նաեւ զանազան հաստատութիւններու, համալսարանական եւ դպրոցական աշխարհի ներկայացուցիչներուն, ինչպէս նաեւ քաղաքացիական ընկերութեան ու Հռոմի բովանդակ Կաթողիկէ հաւատացեալներուն։
| All the contents on this site are copyrighted ©. |