Ватыканскі тэлевізійны цэнтр стаў лаўрэатам міжнароднага тэлеконкурсу сярод спадарожнікавых каналаў. Узнагарода “Eutelsat TV Awards” была ўручана “CTV” 30 кастрычніка 2015 г. за інфармаванне свету аб гістарычных падзеях Каталіцкага Касцёла ў фармаце Тэлебачання звышвысокай выразнасці (Ultra High Definition Television, UHDTV). Атрымаў узнагароду кіраўнік Ватыканскага тэлецэнтра і прэфект Сакратарыята па камунікацыі кс. Дарыа Вігано. Ён падкрэсліў, што гэта прызнанне працы ўсёй каманды “CTV”, высакаякасных і прафесійных спецыялістаў, якія з пакорай і адданасцю выконваюць сваю працу.
All the contents on this site are copyrighted ©. |