Në emisionin e 24-t të rubrikës kushtuar “Zojës që zgjidh nyjet”, lutja drejtuar Marisë përhapur me imprimatur (lejën për t’u shtypur) të kryeipeshkvit të asokohshëm të Buenos Aires, imzot Bergoglio:
Shenjtja Mari,
përplot me praninë e Zotit.
Gjatë ditëve të jetës sate,
pranove përvujtërisht vullnetin e Atit
e u bëre ballë trimërisht dredhive të djallit.
Me Birin tënd ndërmjetësove
për nyjet tona:
thjeshtësisht e me durim,
na mësove si t’i zgjidhim
lëmshet e ngatërruara të jetës.
E, duke qenë gjithnjë nëna jonë,
na i zhdridh të gjitha fijet
që na lidhin me Zotin.
Nëna e Shenjtnueshme e zemërbutë e Zotit
ti di t’i zgjidhësh të gjitha nyjet
që e shtrëngojnë jetën tonë.
Të lutemi, merri në dorë
e na liro nga gjalmat e nga leqet
me të cilat na ngatërron ai
që është armiku ynë.
Me hirin e ndërmjetësimit tënd
e me shembullin tënd
na çliro prej gjithë së keq.
O Zoja jonë, na i zgjidh nyjet
që na pengojnë të bëhemi një me Zotin.
Kështu, të lirë nga çdo pështjellim e mëkat
të mund ta takojmë Krishtin kudo.
Ta kemi përherë në zemrat tona
E të mund t'i shërbejmë
gjithnjë në vëllezërit tanë
Amen!
All the contents on this site are copyrighted ©. |