(Ռատիօ Վատիկան) Տոմենիքեան միաբանութեան հիմնարկութեան 8-րդ դարադարձին առթիւ, միաբանութեան ընդհանուր աբբահայր` եղբայր Պրունօ Քատորէ, 86-րդ յաջորդը ս. Տոմենիքոսին, հրաւէր ուղղած է բոլոր լրագրողներուն այցելելու Հռոմի Սանթա Սապինա մայր տունը։
Միաբնութիւնը այդ վանքը ընդունած է Օնորիոս Գ Պապէն եւ 13-րդ դարէն ասդին այդ հանդիսացած է միաբանութեան մայրավանք ու եղած է նաեւ Սուրբ Թովմաս Աքուինացիի եւ Սուրբ Պիոս Ե քահանայապետի նստավայր։
Տոմենիքեան միաբանութեան յոբելենական տարին կը տօնախմբ`է Օնորիոս Գ Պապին, 1216-1217 տարեշրջաններուն հրատարակած կոնդակները, որոնց միջոցաւ ճանչցուեցաւ ու հաստատուեցաւ Տոմինիքեան միաբանութիւնը։
Յայտնենք թէ Տոմենիքեան յոբելենական տարին սկիզբ պիտի առնէ 7 Նոյեմբեր 2015-ին միաբանութեան ընդհանուր աբբահօր մատուցած հանդիսաւոր սուրբ Պատարագի արարողութեամբ Հռոմի Սանթա Սապինա անուամբ մայրավանքին եկեղեցւոյ մէջ։
All the contents on this site are copyrighted ©. |