Atë Lombardi: hapa konkrete për udhëtimin e Papës në Meksikë

Plani për një udhëtim të Papës Françesku në Meksikë, në vitin 2016, “po fillon të bëhet konkret”: kështu deklaroi drejtori i Sallës së Shtypit të Vatikanit, atë Federiko Lombardi, duke iu përgjigjur pyetjeve të gazetarëve. Papa, pohoi zëdhënësi vatikanas, “dëshiron të shkojë në Meksikë, siç e dimë, sepse e ka thënë vetë disa herë. Ka një projekt për këtë udhëtim vitin e ardhshëm e për këtë kanë filluar hapa konkrete”.