Кардынал з ЗША: Сінод пачынаецца з радасцю, але і з асцярогамі

Мы пачынаем гэты Сінод з радасцю, але і з асцярогамі, прызнаўся прадстаўнік амерыканскага епіскапату кардынал Дэніэл Дзі Нарда. Біскупы яшчэ памятаюць леташнюю асамблею, калі ўся яе другая частка была прысвечана выпраўленню няўдала падрыхтаванага рапарту з першага тыдня, асабліва ў тым, што тычыцца разведзеных, “вольных” саюзаў і асоб з гомасексуальнай арыентацыяй. На думку кардынала з ЗША, Сінод павінен засяродзіцца на хрысціянскім бачанні сям’і.

“Мы не хочам, каб невялікія або паасобныя праблемы заблакавалі абмеркаванне вялікага вобразу сям’і, які прапануе Евангелле”, - сказаў у інтэрв’ю Ватыканскаму рады    ё кардынал Дзі Нарда. Таму, на яго думку, не можна засяродзіцца толькі на адной праблеме. Свет і сам Касцёл патрабуе яснага бачання сужэнства. Тым больш, што сучасная культура больш не падтрымлівае сям’ю, не шануе сямейнай любові і вернасці, сказаў ён і дадаў, што сем’ям гэтага вельмі не хапае. 

Гэта дрэнна сведчаць аб сённяшняй культуры, якая так здзекуецца над прыгажосцю сужэнства. Ёй не хапае мудрасці. У такой сітуацыі асаблівай увагі заслугоўваюць маладыя сем’і, лічыць іерарх. Ён прызнаўся, што яго ўласны вопыт паказвае, што найбольш важным з’яўляецца іх суправаджэнне на працягу першых дзесяці гадоў сужэнства.