2015-09-29 11:28:00

Լիբանանի մէջ քանդակուած Սրբուհի Ռիթայի արձանի օրհնութիւնը ձեռամբ Ֆրանչիսկոս Պապի


(Ռատիօ Վատիկան) Լիբանանի լեռներու բարձունքէն քաղուած , մարմարէ հսկայ  քարին վրայ քանդակուած Սրբուհի Ռիթայի արձանը, երեքշաբթի, 29 սեպտեմբերին յետմիջօրէին, կը զետեղուի Սուրբ Պետրոսի հրապարակ, որուն օրհնութիւնը պիտի կատարուի ձեռամբ  Ֆրանչիսկոսս Սրբազան Քահանայապետին,  Չորեքշաբթի, 30 սեպտեմբերի առաւօտեան,  հրապարակային ընդհանուր ունկնդրութեան ընթացքին։ Սրբուհի Ռիթայի արձանը, Սուրբ Պետրոսի Հրապարակուի վրայ զետեղուած պիտի մնայ մինչեւ 1 հոկտեմբեր, որ ապա պիտի փոխադրուի Սրբուհի Ռիթայի ծննդավայր՝ Քաշիա, ուր՝ 18 հոկտեմբերին, ներկայութեամբ Մարոնի համայնքի Պշարա Ռայի Պատրիարքի եւ եկեղեցական, Քաղաքական  բարձր անձնաւորութիւններուն ու անթիւ հաւատացեալներուն,  արձանը պիտի զետեղուի Սրբուհի Ռիթայի ծննդավայրի  ՝՝Ռոքափորենա՝՝ գիւղին մուտքը ։

Նշենք, թէ Սրբուհի Ռիթայի արձանի քանդակագործութեան հեղինակն է  Լիբանանցի անուանի արուեստագէտ  Տիար Նայէֆ Ալվան, շնորհիւ բարերար Տիար Սարգիս Սարգիսի նիւթական օժանդակութեան։








All the contents on this site are copyrighted ©.