2015-09-26 00:00:00

Ընտանիքի Համաշխարհային Հանդիպումները 1994էն – 2015։


(Ռատիօ Վատիկան)  22 սեպտեմբեր 2015-ին Ֆիլատելֆիայի մէջ սկիզբ առաւ'' Ընտանիքի Համաշխարհային 8-րդ Հանդիպումը''։ 

Եւրոպան, Ամերիկան եւ Ասիան երեք աշխարհամասեր` որոնք 1994էն ի վեր հիւրընկալեցին ընտանիքներուն համաշխարհային հանդիպումները:

Եւրոպայի մէջ երեք են այդ քաղաքները որոնք հիւրընկալեցին այս կարեւոր դէպքերը. Հռոմը`երկու անգամ, ապա Վալենցեա եւ Միլանօ։ Ամերիկան երեք անգամ` Րիօ-Տէ-ժանէյրօ, Մեքսիքօ եւ Սեպտեմբերին` Ֆիլատելֆիա: Ասիոյ մէջ միայն Մանիլան:

Երեք Պապեր` եօթը երկիրներու երեք աշխարհամասերու մէջ։ Մինչեւ օրս տեղի ունեցած են եօթը հանդիպումներ որոնցմէ երեքը  Սուրբ Յովհաննէս Պօղոս Բ.ի նախագահութեամբ, իսկ  Ֆիլիփինեան կղզեխումբի պարագային, 2003ին` կապուեցաւ արբանեակային գծով: Պենետիկտոս ԺԶ Քահանայապետը գլխաւորեց երկու հանդիպումներ որոնք տեղի ունեցան` Վալենցեայի մէջ  2006ին եւ Միլանօ 2012ին: Ան եւս արբանեակային կապով` կապուեցաւ Մեքսիքօյի քաղաքին մէջ կայացած Ընտանիքի համաշխարհային օրուան 2009ին։

Յառաջիկայ` 22 – 27 սեպտեմբեր 2015- Ֆիլատելֆիայի մէջ տեղի կ՛ունենայ ընտանիքներու համաշխարհային 8-րդ հանդիպումը որուն փակումը պիտի կատարէ Ֆրանչիսկոս Սրբազան Քահանայապետը։

Ընտանիքի առաջին համաշխարհային հանդիպումը, ինչպէս նշեցինք, տեղի ունեցած է Հռոմի մէջ, Երջանկայիշատակ Յովհաննէս Պօղոս Բ օրով, 1994-ի 8 եւ 9 հոկտեմբերին - ընտանիքի միջազգային տարւոյն առթիւ, ''Ընտանիքը. Քաղաքակրթութեան սիրոյ սիրտը'' բնաբանով։

Բ հանդիպումը կայացած է  Րիօ-Տէ-ժանէյրոյի մէջ – 1997-ի 4-5 Հոկտեմբեր, ''Ընտանիքը. Յոյս Պարգեւ եւ պատասխանատուութիւն, մարդկութեան'' Իսկ երրորը դարձեալ Հռոմի մէջ, 11-15 Հոկտեմբեր, 2000-ի Յոբելինական Սուրբ Տարւոյն առթիւ,  ''Զաւակները, ընտանիքի եւ ընկերութեան գարունը'' բնաբանով։

Ընտանիքի համաշխարհային չորրորդ հաւաքը տեղի ունեցաւ Մանիլայի մէջ 2003 թուականին ( 22-26 Յունուար), ''Քրիստոնեայ Ընտանիքը. Բարի լուր երրորդ հազարամեակին'' բնաբանով Իսկ հինգերորդ հաւաքը տեղի ունեցաւ Պենետիրկոս ԺԶ-ի օրով, 2006-ի  Յուլիս 1-9, Սպանիայի Վալենսեա քաղաքին մէջ ''Հաւատքի փոխանցումը ընտանիքի''։

Երեք տարի ետք` 2009-ին Ընտանիքի համաշխարհային հաւաքը տեղի ունեցաւ (13-18 Յունուար) Մէքսիքոյի մէջ ''Ընտանիքը, մարդկութեան եւ քրիստոնէական արժէքներու կազմաւորողը'', ապա 2012-ին` Իտալիոյ Միլանօ քաղաքին մէջ կայացաւ Ընտանիքի Համաշխարհային եօթներորդ հաւաքը որուն բնաբանն էր ''Ընտանիքը, աշխատանք  եւ տօնախմբում'', միշտ  Պենետիկտոս ԺԶ վաստակաւոր Քահանայապետի օրով։

Ֆիլատելֆիայի մէջ կայանալիք ընտանիքներու համաշխարհային հաւաքը կը հանդիսանայ ութերորդը եւ ունի որպէս բնաբան ''Սէրը մեր առաքելութիւնն է, ընտանիքը ամբողջական կեանք. Կենսունակութիւն''։ 








All the contents on this site are copyrighted ©.