Papa Françesku, priti sot paradite në audiencë, në Pallatin Apostolik në Vatikan,
kryeministrin e Luksemburgut, Xavier Bettel, i cili më pas u takua me Sekretarin e
Shtetit të Vatikanit, kardinalin Pietro Parolin, shoqëruar nga imzot Paul Gallagher,
Sekretar për Marrëdhëniet me Shetet.
Gjatë bisedimeve, njofton Salla e Shtypit të Vatikanit, u ripohua vullneti për “konsolidimin
e mëtejshëm të marrëdhënieve të mira që ekzistojnë ndërmjet Selisë së Shenjtë e Luksemburgut
dhe u trajtuan tema me interes të përbashkët, me një vëmendje të veçantë ndaj marrëdhënieve
ndërmjet Kishës e Shtetit, duke nënvizuar rëndësinë që kanë liria fetare dhe vlerat
shpirtërore për kohezionin shoqëror”.
Në vijim të bisedimeve dhe në kuadrin e presidencës së radhës të Bashkimit Evropian
që ka Luksemburg, përfundon njoftimi i sallës së shtypit të Vatikanit, “dy palët u
ndalet mbi disa çështje me karakter e peshë evropian e ndërkombëtar, me një referim
të posaçëm ndaj konflikteve në zhvillim e sipër, çështjes së emigracionit dhe nevojës
së furnizimit të ndihmës për refugjatët e emigrantët, si dhe për situatën e pakicave
fetare të persekutuara”.
All the contents on this site are copyrighted ©. |