Ողորմութեան ս. Տարի. Հռոմի Քարիթասի եղբայրօգնութեան սուրբ դուռի բացում։

(Ռատիօ Վատիկան) Յառաջիկայ 18 Դեկտեմբերին ֆրանչիսկոս Քահանայապետը եղբայրօգնութեան սուրբ դուռը պիտի բանայ Հռոմի թեմի Մարսալա փողոցի Քարիթասի բնակարանին։ 

Լուրը հաղորդեց կարդինալ Վալլինի` Հռոմի թեմին տեղապահ Արքեպիսկոպոսը, թեմին եկեղեցական ժողովի աւարտին, որ տեղի ունեցաւ Լատերանի Ս. Յովհաննէս Պազիլիքային մէջ, երկուշաբթի 14 Սեպտեմբերին։

Բացի Հռոմի չորս Պազիլիքաներու դռներէն,­ Նորին Սրբութիւնը բացումը պիտի կատարէ նաեւ ''Divino Amore - Աստուածային սէր'' Մարեմեան սրբավայրին սուրբ դուռին։

Նշենք որ Մարսալա փողոցի Քարիթասի բնակարանի Սուրբ Դուռը բանալէ ետք Սրբազան Հայրը  մուտք պիտի գործէ ու այցելէ աղքատներու ճաշարանը։ Բնակարանը ծնունդ առած է 1987-ին եւ կարող է ընդունիլ 180 անօճախներ։