(Ռատիօ Վատիկան) 15-19 Սեպտեմբեր 2015 Հռոմի մէջ կը կատարուի երիտասարդ նուիրեալ անձերու հաւաքը` ունենալով որպէս բնաբան. ''Աշխարհը արթուն պահեցէք, Աւետարան, մարգարէութիւն եւ յոյս։ Հանդիպումը տեղի կ՛ունենայ նախաձեռնութեամբ ''նուիրեալ անձերու'' ժողովին եւ ունի որպէս նպատակակէտ երիտասարդ կրօնաւոր-կրօնաւորուհիներու փորձառութիւններու ու կեանքի ապրումներու վկայութիւններու փոխանակումը։
Երեքշաբթի 15 սեպտեմբերի երեկոյեան ժամը 20,30-ին, ս. Պետրոս հրապարակին վրայ նախատեսուած է աղօթքի հսկում. ''Աշխարհը արթնցուցէք. Յիսուս իր մօտ կանչեց ուզածները եւ անոնք ալ գացին անոր մօտ'' (Մարկոս 3,13)։
Աղօթքի հսկումի բացումը կը կատարէ ողջոյնի խօսքով Նուիրեալ անձերու ժողովին կառավարիչը Կարդինալ João Braz de Aviz։
All the contents on this site are copyrighted ©. |