11 верасня 2015 г. папа Францішак прыняў на аўдыенцыі ў Ватыкане Прэзідэнта Сербіі Таміслава Нікаліча, які затым сустрэўся з кардыналам Дзяржсакратаром Пьетра Паралінам і сакратаром па адносінах з Дзяржавамі арцыбіскупам Полам Галахерам.
У ходзе сардэчных перамоваў бакі адзначалі добрыя адносіны існуючыя паміж Апостальскай Сталіцай і Рэспублікай Сербія. Абмяркоўваліся тэмы, якія прадстаўляюць агульны інтарэс і звязаны з адносінамі паміж касцёльнай супольнасцю і грамадскай, з асаблівай увагай на экуменічны дыялог і ўклад Каталіцкага Касцёла ў супольнае дабро сербскага грамадства.
Удзельнікі сустрэчы абмеркавалі працэс поўнай інтэграцыі Сербіі ў Еўрасаюз, сітуацыю сірыйскіх і іракскіх бежанцаў, а таксама важнасць прыняцця супольнага рашэння ў адносінах трываючага крызісу.
All the contents on this site are copyrighted ©. |