Կարդինալ Ֆերնանտօ Ֆիլոնիին այցը Պանկլատէշ, Հնդկաստան եւ Նեփալ։

(Ռատիօ Վատիկան) Կարդինալ ֆերնանտօ ֆիլոնի` Ժողովուրդներու աւետարանութեան ժողովին կառավարիչը հովուական այցելութեամբ կը մեկնի Պանկլատէշ, Հնդկաստան եւ Նեփալ։

Ժողովուրդներու աւետարանութեան ժողովի կառավարիչը` 9-13 Սեպտեմբեր, կ'այցելէ Պանկլատէշի եկեղեցւոյ բարեսիրական կեդրոնները, հիւանդանոցները ու անկարներու կեդրոնը, ապա հանդիպում կ՛ունենայ կղերի ներկայացուցիչներու հետ իսկ Rajshashi-քաղաքին մէջ պիտի գլխաւորէ համանուն թեմի յոբելեանի ծիսակատարութիւնը ։

14 եւ 15 Սեպտեմբերին Կարդինալը Հնդկաստանի Քալքութա թեմին մէջ հանդիպում պիտի ունենայ շրջանի եպիսկոպոսներուն ու կղերի ներկայացուցիչներուն հետ։ Ան յատուկ հանդիպում պիտի ունենայ նաեւ  դպրեվանքերու պատասխանատուներուն հետ իսկ 15 Սեպտեմբերին` առաւօտուն պատարագ պիտի մատուցանէ երանուհի Մայր Թերեզայի գերեզմանին առջեւ։

15-էն 19 սեպտեմբեր Ծիրանաւորը կ՛այցելէ Նեփալը ի նշան զօրակցութեան, ուր անցեալ Ապրիլին, տեղի ունեցաւ ողբերգական երկրաշարժը։ Այցելութիւնը առիթ կը հանդիսանայ նաեւ տեղեկութիւններ ունենալու  բնակչութեան ներկայ իրավիճակի մասին ու հանդիպում ունենալու տեղական կղերին ու հաւատացեալներուն հետ։