Օր Մեռելոց Զմմառու վանքին մէջ

Հայ Եկեղեցւոյ Տօնացոյցին համաձայն՝ տաղաւար տօներու յաջորդող օրը Մեռելոց է: Երկուշաբթի 17 Օգոստոս 2015-ին, առաւօտեան ժամը 8:00-ին, Զմմառու վանքի Մայր Տաճարին մէջ Սուրբ եւ Անմահ Պատարագ մատուցուեցաւ և հոգեհանգստեան պաշտօն կատարուեցաւ ի հանգիստ Զմմառու Միաբանութեան երջանկայիշատակ և լուսահոգի Հայրապետներուն, եպիսկոպոսներուն և վարդապետներուն: Պատարագի աւարտին՝ գլխաւորութեամբ Ամեն. և Գերերջ. Հոգեւոր Տիրոջ, Միաբան Հայրերը և նորընծաները ուղղուեցան դէպի վանքի միաբանական դամբարանը, ուր Հոգեհանգստեան պաշտօն կատարուեցաւ: Յիշատակ արդարոց օրհնութեամբ եղիցի: