Në përfundim të audiencës së përgjithshme, Papa Françesku kujtoi se nesër bashkësia e Taizé-së mbush 75 vjet. Më pas shtoi:
“Dëshiroj t’i drejtoj përshëndetjen time, shoqëruar me lutje, vëllezërve murgjër, në kujtim të themeluesit, vëllait Roger Schutz, të cilin pikërisht tri ditë më parë e kujtuam, në dhjetëvjetorin e vdekjes. Udhë të mbarë bashkësisë së Taizè-së!”.
Më pas Françesku, sipas traditës, pëshëndeti grupet e ndryshme, të pranishme në audiencë:
“Përshëndes Motrat e Shën Anës, Shoqatat dhe grupet famullitare. Uroj që vizita tek Varret e Apostujve të thellojë në shpirtin e të gjithëve ndjenjën e përkatësisë ndaj familjes sonë e ndaj Kishës. Një mendim i posaçëm, për të rinjtë, të sëmurët, të sapomartuarit. Sot kremtojmë festën liturgjike të Shën Gjonit Eudes.
Uroj që devocioni i tij për Zemrën e Krishtit e të Zojës së Bekuar t’ju kujtojë ju, të dashur të rinj, sa i nevojshëm është ndërmjetësimi i tyre në udhën shpirtërore;
uroj t’ju inkurajojë ju, të dashur të sëmurë, t’i përballoni me fe çastet e vuajtjes;
e t’ju nxisë ju, të dashur çifte të reja, t’i edukoni me dashuri fëmijët, që do t’ju falë Zoti”.
All the contents on this site are copyrighted ©. |