Մոսկուայի օդային արկածի զոհերէն չորսը Հայաստանի քաղաքացիներ են
ԵՐԵՒԱՆ, «Նիուզ».- Օգոստոս 10ին, Հայաստանի ճգնաժամային կառավարման ազգային կեդրոնը տեղեկութիւն ստացած էր, թէ Օգոստոս 8ի երեկոյեան Մոսկուայի մօտերը տեղի ունեցած օդային աղէտին հետեւանքով՝ «Սեսնա 206» մակնիշի օդանաւի օդաչուն եւ ազգութեամբ հայ 4 ճամբորդները մահացած են:
Ռուսիոյ իշխանութեանց տրամադրած տեղեկութեանց համաձայն, զոհերն են՝ Մանուկեան Պարոյր Նորիկի (1987ի ծնունդ), Մանուկեան Լարիսա Վրէժի (1992), Գլչեան Օֆելիա Ազատի (2005) եւ Գլչեան Էրիկ Ազատի (2007)։
Ըստ վերոնշեալ մարմիններուն՝ զոհուածները Ռուսիոյ մէջ մնայուն բնակութիւն հաստատած Հայաստանի քաղաքացիներ են:
| All the contents on this site are copyrighted ©. |