54 օր տեւողութեամբ աղօթք ամուսնութեան եւ ընտանիքին համար։

(Ռատիօ Վատիկան) ԱՄՆի մէջ 15 Օգոստոս 2015 թուականէն սկսեալ,  54 օր անընդհատ աղօթքներ կը կատարուին ամուսnութեան ու ընտանիքին համար։ ԱՄՆի Աւետարանութեան ի խնդիր Առաքելութեան Ս. Վարդարանի ընկերակցութիւնը կազմակերպած է 54 օր տեւողութեամբ անընդհատ աղօթք` ամուսնութեան ու ընտանիքի դիտաւորութեամբ, 15 Օգոստոսէն մինչեւ 7 Հոկտեեմբեր` Աստուածածնայ Վերափոխման տօնէն մինչեւ  ս. Վարդարանի տօնին օրը։

ԱՄՆի բոլոր եպիսկոպոսներուն ուղղած պատգամով Գերապայծառ Listecki  կ’ընդգծէ որ հոգեւոր տագնապին ու մշակութային անկումին  ի տես, ամէնքս պէտք ունինք Մարիամի բարեխօսութեան ու միջնորդութեան յատկապէս այս օրերուն երբ կը պատրաստուինք ֆիլատելֆիոյ մէջ տօնախմբելու ընտանիքի համաշխարհային օրը, ու յառաջիկայ 4 - 25 հոկտեմբեր 2015, Ֆրանչիսկոս Պապի գլխաւորութեամբ կատարուելիք ընտանիքի մասին եպիսկոպոսներու ժողովը։

Գերապայծառ Listecki  պատգամին մէջ խնդրած է նաեւ աղօթել աշխարհի խաղաղութեան, մարդկային կեանքի պաշտպանութեան ու կրօնական ազատութեան համար։

Ամերիկացի եպիսկոպոսները, յուսով են որ 54 օրերու տեւողութեամբ աղօթքները լսելի ըլլան ու նպաստեն երկրին հոգեւոր վերանորոգումին՝ Աստուածածնայ բարեխօսութեամբ։