Angola : Mwaka wa Watawa- kuwa na Upendo kamilifu

“Fumbo la maisha ya pamoja na lifanye maisha yetu kuwa Hija takatifu" ni maneno yaliyoongoza hija ya watawa nchini Angola, iliyokamilika siku ya Jumapili katika Madhabahu Matakatifu ya Mama Yetu ya Maxima  Angola.  Hija hii  iliyoandaliwa na Mkutano wa Wakuu wa Mashirika na Taasisi za kidini, lilikuwa ni  tukio maalum kwa ajili ya kusherehekea Mwaka wa Watawa,  uliotajwa  na  Papa Francisco  katika mazingira ya maadhimisho ya miaka 50 ya uwepo wa  Mtaguso Mkuu wa II wa Vatican, hasa juu ya   kufanya  upya Mapendo  kamilifu( “Perfectae caritatis”). Jubilee hii ilizinduliwa  rasmi Novemba 30, 2014, kama mwaka maalum wa wale wote walioweka maisha yao wakfu na unakamilika Februari 2, 2016.

Hija ya hii ya walioweka maisha wakfu Angola,  imefanikishwa kwa maadhimisho ya Ibada za Misa, maombi na shuhuda za watawa. Misa ya kwanza ilioongozwa na Askofu  Zacarias Kamuenho,  mstaafu Askofu Mkuu wa Jimbo Kuu la Lubango, ambayo imeelezea umuhimu wa kuimarisha fumbo la  utume wa Taasisi za Watawa.

Watawa Angola wamefanya kilele cha hija yao kwa  heshima kwa Mama Bikira Maria  kwa kutembelea Madhabahu Matakatifu ya Mama Yetu wa  Muxima ambayo yako katika kingo cha Kwanza, umbali wa km  120 km kutoka mji mkuu wa Angola, Luanda. Madhabahu hayo yalijengwa na  Ureno kati ya 1594 na 1602 kwa usimamizi wa  Baltazar Rebelo wa Aragon. Madhabahu hayo ni maarufu kwa  wacha Mungu wa Angola na yanapendwa  na kufahamika , kama ni  nyumbani kwa  Mama Muxima" , yakionyesha upendo Mkuu wa  Bikira Maria , kwa jina  jingine  pakiitwa,  "Mama  Coracao",  au "moyo wa mama" katika lugha mahalia ya watu wa  Kimbundo, "Muxima" maana yake ni "moyo". Katika madhabahu  haya kwa  sasa, kuna mradi inayoendeshwa   iliwasilishwa kwa Papa  Benedict XVI wakati wa ziara yake nchini Afrika mwaka 2009, ikiwemo  ujenzi wa kanisa kuu na sehemu ya  malazi kwa ajili ya maelfu ya watu wanaotembelea madhabahu hayo kwa kipindi cha mwaka mzima