Հայ Կաթողիկէ Եկեղեցւոյ հոգեւոր հայրեր,
Հաւատացեալ հայրենակիցներ,
Ցաւով տեղեկացանք Տանն Կիլիկիոյ Կաթողիկէ Հայոց Կաթողիկոս Պատրիարք Ներսէս Պետրոս ԺԹ․ի մահուան մասին, որառանձնակի ցաւ ու կսկիծ պատճառեց բոլորիս:
Անժամանակ էր մահը հայ մեծ հոգեւորականին, ազնուագոյն անձնաւորութեան, որ Աստուծոյ հաւատարիմ իր ողջ կեանքընուիրեց հայ ժողովուրդին, կաթողիկէ համայնքին:
Պատրիարքական աթոռի գահակալութեան երկարաձիք տարիներու քրտնաջան գործի բարեբերութիւնը շատ ակնառու էր:Վերջին շրջանին սրբազան Պատրիարքը ամբողջութեամբ նուիրուած էր Հայոց ցեղասպանութեան 100-րդ տարելիցիձեռնարկներուն, համաժողովներու, գիտաժողովներու կազմակերպման, եւ աչքի կ'իյնար իր բացառիկնախաձեռնութիւններով: Համազգային հպարտութիւնը պարուրեց բոլորիս հոգին, երբ Հռոմի Ֆրանչիսկոս Պապի ձեռամբլուսապսակ Գրիգոր Նարեկացին հռչակուեցաւ Տիեզերական Եկեղեցւոյ Վարդապետ:
Հոգեւոր Տիրոջ աշխատանքը միշտ բարձր գնահատուած է Հայոց պետութեան կողմէ: Մեր գործակցութիւնը Կաթողիկէ ՀայոցԿաթողիկոս Պատրիարքին հետ եղած է բովանդակալից և արդիւնաւէտ:
Անոր իմաստուն ու շրջահայեաց գործունէութեամբ ամրապնդուեցաւ Հայոց Եկեղեցւոյ եւ Կաթողիկէ Եկեղեցւոյբարեկամութիւնը:
Հոգեւոր Տէրը այն երջանիկներէն էր, որ աշխարհ եկաւ յատուկ առաքելութեամբ եւ կեանքէն հեռացաւ` ձգելով պայծառյիշատակ` վկայելով սրբազնագոյն վարքին եւ առաքինութեանը իր նուիրումի մասին:
Անոր բարութիւնը, ոգիի տոկունութիւնը, մարդկային վսեմ նկարագիրը առանձնակի պատկառանք կը ներշնչէին հոգեւորականի անոր տեսակին հանդէպ: Պատրիարք Կաթողիկոսը միշտ պիտի մնայ մեր մտքերուն ու մեր սրտերուն մէջ:
Հայաստանի Հանրապետութեան սփիւռքի նախարարութեան եւ իմ անունով կը ցաւակցիմ ողջ հոգեւոր դասին, Կաթողիկէհամայնքին, անոր հարազատներուն: Մխիթարուինք այն գիտակցութեամբ, որ Պատրիարք Տիրոջ անմահ հոգին երկինքիանդաստանին մէջ միշտ կը գտնուի լոյսերու մէջ:
Սրտի խոր կսկիծով՝
Հրանուշ Յակոբեան
ՀՀ սփիւռքի նախարար
All the contents on this site are copyrighted ©. |