Մամլոյ ասուլիս ի պատրաստութիւն ''ընտանիքներու համաշխարհային 8-րդ հանդիպումին''

 (Ռատիօ Վատիկան) Վատիկանի  մամլոյ  գրասենեակին մէջ, հինգշաբթի, 24 յունիսին, առաւօտեան ժամը 11.30-ին, տեղի կ՝ունենայ մամլոյ ասուլիս, ի պատրաստութիւն, յառաջիկայ  22-27 սեպտեմբերին, Ֆիալտելֆիայի  մէջ կայանալիք, ընտանիքներու համաշխարհային 8-րդ հանդիպումին, որուն բնաբանն է ՝ ''Սէրը մեր առաքելութիւնն է։ Ընտանիքը լիովին կենդանի''։

Մամլոյ ասուլիսին ելոյթ կ՝ունենան Ընտանիքի Քահանայապետական խորհուրդի նախագահ՝ Գերապայծառ Վինչէնցօ Փալիա եւ Ֆիլատելֆիոյ թեմի արքեպիսկոպոս՝ գերապայծառ Ժոզէֆ Չափութ։

Յայտնենք, թէ վերոնշեալ հաւաքին իր մասնակցութիւնը պիտի բերէ նաեւ Ֆրանչիսկոս Սրբազան Քահանայապետը։