Ցեղասպանութեան Նահատակներու Սրբապատկերը պիտի շրջի տարբեր եկեղեցիներ
Հայոց ցեղասպանութեան զոհերու սրբադասման արարողութեան ընթացքին, որ տեղի ունեցաւ 23 ապրիլին Մայր Աթոռ Սուրբ Էջմիածինի մէջ, օծուեցաւ սուրբ նահատակներու պատկերը: Ամենայն Հայոց Գարեգին Բ. կաթողիկոսի հայրապետական օրհնութեամբ նահատակաց սրբապատկերը հաւատացեալ ժողովուրդին խոնարհումի եւ աղօթքի համար զետեղուած է Մայր տաճարին մէջ:
Ըստ Մայր աթոռ Ս. Էջմիածինի տեղեկատուական համակարգին, յառաջիկայ ամիս սրբապատկերը պիտի փոխադրուի Մայր աթոռի Ս. Հրեշտակապետաց եկեղեցի, օգոստոսին սրբապատկերը պիտի փոխադրուի Երեւանի Ս. Գրիգոր Լուսաւորիչ Մայր եկեղեցի, ապա` Հայ եկեղեցւոյ հայաստանեան թեմերու առաջնորդանիստ եկեղեցիներ:
| All the contents on this site are copyrighted ©. |