(Ռատիօ Վատիկան) Էրպիլ քաղաքին մէջ կ'ապրին աւելի քան 125 հազար քրիստոնեայ գաղթականներ, որոնք պարտադրուեցան իրենց պապական հողերէն հեռանալ պահպանելու իրենց քրիստոնէական հաւատքը ու չհպատակելու ՏԱՀԵՇ-ի օրէնքներուն։
Հինգշաբթի 19 Յունիս 2015-ին, Միլանոյի թեմի առաջնորդը կարդինալ Սքոլան Էրպիլ հասաւ ընկերակցութեամբ Քաղդէացիներու Սաքօ պատրիարքին ականատես ըլլալու իրաքի քրիստոնեաներու իրավիճակին։
Չորս միլիոն հաշուող այս մարզը կը հիւրընկալէ 1,5 միլիոն գաղթականներ։
Կարդինալ Սաքոյի գնահատումով հարկ է որ միջազգային հասարակութիւնը զէնքով միջամտէ, վերջ տալու մարդկային այս ողբերգութեան ու գաղթականներուն կարելիութիւն` իրենց տուները վերադառնալու։
Կարդինալ Սքոլա իր կարգին յայտնեց թէ հարկաւոր է երաշխաւորել այս անհատներու հիմնական իրաւունքները։ Պետութիւններու պարտականութիւնն է անհատին երաշխաւորել հիմնական իրաւունքը։ Այս իրաւունքը իւրաքանչիւր անհատին հռչակած կրօնքէն յառաջ կու գայ։ Քաղաքացիութիւնը պէտք է ճանչցուի որպէս հիմը հաւասարութեան։ Հոս` քրիստոնեաները չունին մահմետականին վերապահուած միեւնոյն իրաւունքը եւ այս ուղղութեամբ է որ պէտք ենք աշխատիլ - ըսաւ Կարդինալ Սքոլան որ այս օրերուն այցելութիւն կատարեց Լիբանան եւ Իրաք ընդառաջելով մարոնիներու ու Քաղդէացիներու պատրիարքներու հրաւէրին։
All the contents on this site are copyrighted ©. |