(Ռատիօ Վատիկան) ''Ծոմապահութեան ամսոյն սկիզբը, մահմետական եղբայրներուս կը յայտնեմ իմ սիրալիր բարեմաղթութիւններս, այն յոյսով որ Ամենակալ Տէրը ողողէ զանոնք իր օրհնութիւններով ու պահպանէ Իրաքը` մեր սիրելի հայրենիքը, անոր կայունութիւն շնորհելով''։ Այսպէս կը գրէ Քաղդէացիներու պատրիարք գերերջանիկ Ռաֆայէլ Սաքօն խօսքը ուղղելով իսլամ աշխարհին, Ռամատանի - ծոմապահութեան ամսոյն սկիզբը։ Ան մաղթանք կը յայտնէ որ հաշտութիւնը ու ներդաշնակութիւնը վերահաստատուին, ընդգծելով որ հերոսութիւնը չի կայանար պատերազմ մղելու ու բազմաթիւ մարդիկ սպաննելու մէջ։ Ճշմարիտ հերոսը այն է որ կը գործէ խաղաղութեան ի խնդիր ու բոլորին կ՛երաշխաւորէ ազատութիւն եւ արժանաւորութիւն հաստատած է Պատրիարքը։
All the contents on this site are copyrighted ©. |