Ֆրանչիսկոս Պապ կոչ կ՝ուղղէ բաց հոգւով ընկալելու իր ՝՝Գովեալ ըլլաս՝՝ Շրջաբերական թուղթը

(Ռատիօ Վատիկան) Չորեքշաբթի, 17 յունիսի առաւօտեան, Սուրբ Պետրոսի հրապարակի վրայ շնորհած ընդհանուր ունկնդրութեան աւարտին, Ֆրանչիսկոս Պապը անդրադարձ կատարեց, վաղը՝ հինգշաբթի, 18 յունիսին,  հրապարակուելիք ՝՝Գովեալ ըլլաս՝՝  վերտառութեամբ իր շրջաբերականին հայող ''հասարակաց օճախի խնամքին''

՝՝Վաղը, ինչպէս գիտէք, լոյս պիտի տեսնէ` ''հասարակաց օճախի''` արարչութեան խնամքին հայող, շրջաբերական թուղթը'' ըսաւ Սրբազան Հայրը, հաստատելով թէ

՝՝մեր այս տունը կործանումի ենթարկուած է ու այս մէկը բոլորին վնաս կը հասցնէ,  յատկապէս  աղքատներուն։

Ուստի իմ այս կոչս հրաւէր մըն է պատասխանատուութեան` հիմնուած Աստուծոյ՝ ստեղծագործութեան նկատմամբ մարդ արարածին յանձնած պարտականութեան վրայ որ է ''մշակել ու պահպանել'' բերկրութեան դրախտը (Ծննդոց 2,15)։

 Բոլորդ կը հրաւիրեմ, սոյն փաստաթուղթը  բաց հոգւով ընկալելու, որ կը կարգուի եկեղեցւոյ ընկերային վարդապետութեան շրջագիծէն ներս։