Пантыфік узначаліць Звычайны кансісторый

27 чэрвеня 2015 г. Святы Айцец Францішак узначаліць Звычайны кансісторый па некаторых кананізацыйных справах. Аб гэтым паінфармавала Служба папскіх літургічных цэлебрацый. Ён распачнецца цэлебрацыяй Літургіі гадзін.

Кардыналы, прысутныя ў гэты час у Рыме, збяруцца ў Зале кансісторыяў Апостальскага палаца для разгляду спраў кананізацыі благаслаўлёных: кс. Вінчэнца Гросі, дыяцэзіяльнага святара з Італіі; іспанкі, сястры Марыі ад Беззаганнага Зачацця з Кангрэгацыі Сясцёр Таварыства Крыжа; а таксама свецкіх вернікаў з Францыі Мары-Зэлі і Луі Мартэн, бацькоў св. Тэрэзы ад Дзіцятка Езуса.

Раней Папа даручыў Кангрэгацыі па справах Кананізацыі публікацыю дэкрэтаў аб сапраўднасці цудаў, учыненых праз заступніцтва гэтых благаслаўлёных.