Беспрацоўе і паглыбленне сацыяльная няроўнасці з’яўляюцца аднымі з галоўных прычын нестабільнасці ў многіх краінах свету, нагадаў прадстаўнік Апостальскай Сталіцы пры ААН арцыбіскуп Сільвана Тамазі на чарговым пасяджэнні арганізацыі, якое прайшло ў Жэневе.
Ватыканскі дыпламат заўважыў, што гаспадарчыя, грамадскія і палітычныя перамены, а таксама дасягненне сацыяльнай справядлівасці застаюцца актуальным заданнем. Адной з катэгорый людзей, якія пакутуюць ад беспрацоўя і сацыяльнай няроўнасці з’яўляецца моладзь, у першую чаргу жанчыны, дадаў ён.
Арцыбіскуп Тамазі нагадаў, што ў мінулым годзе ў пошуку працы знаходзілася каля 74 млн. чалавек ва ўзросце ад 15 да 24 гадоў. Узровень беспрацоўя сярод гэтай катэгорыі грамадзян у тры разы вышэй, чым сярод дарослых, незалежна ад часткі свету. Гэта становіцца прычынай павелічэння хваляў міграцыі і колькасці ўдзельнікаў экстрэмісцкіх груповак.
“Апостальская Сталіца, у якасці вырашэння гэтай сітуацыі, прапануе большую салідарнасць і супрацоўніцтва паміж усімі суб’ектамі міжнароднай супольнасці, а таксама ўмацаванне намаганняў на карысць паляпшэння гаспадарчых і грамадскіх умоваў у краінах паходжання мігрантаў”, - сказаў ватыканскі дыпламат.
All the contents on this site are copyrighted ©. |